برنامج الإنتاجية مع الذكاء الاصطناعي

«ما نبيعك كورس، هذا برنامج بيساعدك تبني نظام الـ AI الخاص فيك»

هذا برنامج... مب كورس

الكورس

تحضره وتنساه

الكورس تحضره، تاخذ معلومات، وتنساها بعد أسبوع. اليوم المعلومات صارت مجانية، والكل «يعرف عن» الذكاء الاصطناعي.

البرنامج

رحلة تطلع منها غير مثل ما دخلت

الفرق الحقيقي صار في التنفيذ والبناء... ونحن نعطيك إياه جاهز.

تفكيرك في الذكاء الاصطناعي يتغير من جذوره: من أداة تسألها... إلى موظف عبقري عندك ينفذ مهام كاملة.

يصير عندك نظام شغّال تستخدمه كل يوم في شغلك وحياتك، مكان تحط فيه عقلك الثاني.

تكتسب عادات جديدة تخلي الإنتاجية أسلوب حياة، مب مجهود إضافي.

وفرق كبير بيننا وبين أي كورس أو فيديوهات يوتيوب: ما نعطيك تعليمات وبس... نعطيك workflows جاهزة، تحمّلها وتثبّتها وتستخدمها من أول يوم، بدون ما تحتاج تبنيها.

«أنا جهزت لك أنظمتي اللي بنيتها بعملي... بعطيك إياها جاهزة»

هل البرنامج مناسب لك؟

الجواب نعم... إذا كنت واحد من هالثلاثة

💼

موظف طموح

دخلك زين بس وقتك مسروق. تستلم طلب جديد قبل لا تخلص اللي قبله، وترفض تضيع عمرك في شغل يدوي متكرر. وتريد مخرج بجودة عالية لدرجة أنها تبهرك وتبهر مديرك.

🚀

صاحب بزنس أو مشروع خاص

تسوي كل شي بنفسك... التسويق والمتابعة والعروض والتقارير. تحتاج «موظف» ينجزها لك، بدون ما توظف فريق تقني.

🎯

مجتهد يطوّر حياته الشخصية

مب شرط يكون عندك شغل ولا بزنس. أنت شخص مجتهد تبي ترفع إنتاجيتك في حياتك الشخصية: وقتك، ودراستك، ومشاريعك الجانبية، والأشياء اللي كل مرة تأجلها... وتبي نظام يشتغل معك كل يوم، مب أدوات تجربها وتنساها.

إذا شفت نفسك في وحدة من هالصور، هذا البرنامج مصمم لك بالتحديد.

قبل... وبعد

المشاكل اللي تعيشها اليوم... والنتائج بعد ما تبني نظامك

✕شغل متراكم ما تلحق تخلصه، وما عندك آلية ترتب فيها كل هالأعمال وتنجزها.
✕ساعات يومياً تروح في شغل يدوي متكرر... مع أن أي شي يصير على الشاشة، الذكاء الاصطناعي يقدر يسويه.
✕الذكاء الاصطناعي بين يديك ومتوفر للكل... بس ما تعرف تستخدمه صح، فيضيع عليك وقت ومجهود على شغل المفروض تخلص منه.
✕ما عندك وقت تتعلم: المعلومات مشتتة، والسوشال ميديا زحمة، وخايف تبدأ لأنك ما تعرف من وين تبدأ ولا كيف تخلص.
✕ما تعرف أي أدوات تستخدم، ولا كيف تربطها ببعض عشان يطلع لك مخرج واحد مبهر في workflow واحد.
✕جربت الذكاء الاصطناعي وطلعت النتيجة ضعيفة... فحسبت العيب فيه، والحقيقة أنه يقدر يؤديها فوق توقعاتك.
✕تشوف الزخم والترند، وتشوف غيرك سابقك، ومهاراتك واقفة مكانها... وتحس أنك تتأخر عن الركب.

«سو شغل أسبوع في 3 ساعات»

✓تنجز مهام أسبوع في 3 ساعات: موظف عبقري عندك ينفذ لك المهام باحترافية، وأنت دورك التوجيه والمراجعة.
✓تطلع عروض تقديمية احترافية بمرئيات عالية الجودة، مع نقاط العرض الأساسية اللي تقولها... وتبهر المستمعين.
✓ما يفوتك شي من اجتماعاتك: محضر مرتب، ومهام واضحة، وما تحتاج تفكر مرة ثانية «شو علي؟ شو نسيت؟».
✓أي فكرة في بالك تتحول إلى Prototype أو Demo يشوفه الناس ويجربونه... والعالم اليوم ما يقرأ، يشوف ويجرب.
✓تسويقك ينجز نفسه: هوية، landing page احترافية، ومحتوى انستقرام... كلها من نظامك.
✓حياتك مقسمة مشاريع ومساحات واضحة، كل مساحة فيها سياقها ومعلوماتها، وتبني على شغلك القديم بدل ما تبدأ من الصفر كل مرة.
✓أتمتة بنيتها بنفسك تشتغل لك على المهام المتكررة... وتعرف بالضبط متى تأتمت ومتى لا.

التشخيص

ليش الذكاء الاصطناعي ما ضاعف إنتاجيتك لحد الآن؟

لأنك غالباً تسوي واحد (أو أكثر) من هالأخطاء الشائعة:

1تتعامل معه كشات بوت: تسأله ويجاوبك... بدل ما تعامله كموظف عبقري جديد، تدربه وتعطيه المعلومات اللي يحتاجها.

2تركز على هندسة الصياغة والبرومبت... والمهم فعلاً هو وصف النتيجة اللي تريدها وقدرتك على توجيهها وتحسينها.

3تعطيه المهمة بدون معلومات كافية وتتوقع مخرج عجيب... والاستثمار الحقيقي في السياق والمراجعة والتوجيه، مب في الأمر.

4تعدل المخرج بيدك... بدل ما تطلب منه هو يعدل، عشان يتعلم ويحافظ على التناسق.

5تكتب طلباتك بنفسك... والصح أنك تخليه هو يكتب لك إياها.

6تبدأ من الصفر كل مرة، بلا ذاكرة ولا مساحة شغل... بدل ما تبني على شغلك وحياتك ككل.

7تطارد كل أداة جديدة... وهذا فخ يبيعه لك السوق. الصح هو العمق في منظومة محددة.

تخيّل حياتك بعد البرنامج...

في شغلك

محاضر اجتماعاتك تكتب نفسها، وعروضك التقديمية تبهر الحضور، والمهام المتكررة تنجز نفسها وأنت نايم. مديرك يسألك: «كيف تلحق على كل هذا؟»

في مشاريعك

الفكرة اللي مؤجلها من سنين صار لها هوية وlanding page ومحتوى ينزل باستمرار. وأي فكرة جديدة تخطر في بالك، تمليها صوتياً وأنت في السيارة... وتلقاها اشتغلت.

في وقتك

مساءك رجع لك ولأهلك. وبدل ما تلاحق الشغل، صار عندك نظام يلاحقه عنك... وصرت أنت السابق بين زملائك، مب اللي يحاول يلحق.

أنت ما اشتغلت أكثر...

«عندك موظف خارق»

يشتغل عندك 24 ساعة.

تعاملك مع الذكاء الاصطناعي لازم يكون كأنك تتعامل مع موظف عبقري يخدمك 24 ساعة. المكان اللي تحط فيه عقلك الثاني، وتشتغل فيه على كل أمور حياتك بطريقة مختلفة تماماً

خالد العور | خبير ذكاء اصطناعي

تقدم للانضمام الآن

التعريف بالبرنامج

رحلة من 5 محاور تبني فيها نظامك خطوة بخطوة

«هذا برنامج، هذا مو كورس»

التحول اللي بتعيشه من أول لحظة: تشوف النتائج النهائية والمخرجات الجاهزة قبل أي نظريات، وتعرف من أول يوم وين رايح.

«بعيدا عن الفلسفة، خذ المختصر المفيد»

«عقلية التشغيل»

التحول من «شات بوت» إلى «موظف عبقري»: كيف تعطيه الهدف بدل الأمر، كيف تقسم حياتك مشاريع ومساحات، ليش السياق هو سر النجاح، ومتى تأتمت ومتى لا. مع العادات الثلاث اللي تغير أسلوب حياتك: الإملاء الصوتي بدل الكتابة، المراجعة الدائمة، وتوجيه الذكاء الاصطناعي للتعديل بدل التعديل اليدوي.

بنهاية هذا المحور: عقليتك في التعامل مع الذكاء الاصطناعي تتغير تماماً... وهذا أساس كل اللي بعده.

«جهّز محطة عملك بالذكاء الاصطناعي»

الإعداد الصحيح من أول يوم: قيمة مضافة سريعة من أول تجربة، إنشاء المشاريع وضبط التعليمات المخصصة، اختيار النموذج المناسب، نظافة مساحة العمل، والميزات اللي أغلب الناس ما تعرفها: الذاكرة، الـ Skills، الجدولة للأتمتة، وربط أدواتك ببعض.

بنهاية هذا المحور: عندك نظام مضبوط صح، مب مجرد حساب مفتوح.

«سلسلة الـ Use Cases»

Use cases مجربة بفاعلية قصوى، ما راح تحصلها في أي مكان ثاني... عصارة خبرة وتجربة سنوات:

تأسيس المشروع: النقطة الأساسية اللي تفتح لك كل اللي بعدها... الـ master document والتعليمات المخصصة والسياق الكامل.
عروض تقديمية احترافية بمرئيات عالية الجودة مع سكربت العرض.
الاجتماعات: workflow مرتب، دقيق، ما يخلي شي يفوتك... ويطلع لك المخرجات اللي يحتاجها شغلك.
Prototype لأي فكرة: من وثيقة متطلبات إلى تصميم ومنتج مبدئي يجرب ويستخدم.
التسويق: هوية وBranding Guideline، landing page احترافية، ومولد محتوى لانستقرام.

بنهاية هذا المحور: شفت الـ workflows الأعلى إنتاجية، وقد أُخذت إلى مستوى آخر عجيب من الفاعلية... وصارت جاهزة عندك، ترتقي فيها بإنتاجيتك وتغير حياتك.

«بناء الأتمتة مع كلود»

تتعلم كيف تحول أي use case متكرر إلى workflow، ومتى تأتمت ومتى لا... وتبني أنت بنفسك الأتمتة الخاصة فيك.

بنهاية هذا المحور: ما عاد تحتاج أحد يبني لك... صرت أنت اللي تبني.

Sneak Peek... شو بتتقن داخل البرنامج؟

هذي عينة من الأدوات والآليات اللي بتتعلمها:

Claude وCowork وProject Instructions Claude مع Microsoft Office: Word وPowerPoint وExcel Wispr Flow وGoogle Stitch وPomelli إنشاء الصور بالذكاء الاصطناعي Claude وCowork وProject Instructions Claude مع Microsoft Office: Word وPowerPoint وExcel Wispr Flow وGoogle Stitch وPomelli إنشاء الصور بالذكاء الاصطناعي

أتمتة n8n بذكاء شو يعني PRD وليش مهم للإنتاجية والـ Demos Skills وConnectors وArtifacts وSchedules الذكاء الاصطناعي دائماً في جيبك: Cowork on Mobile أتمتة n8n بذكاء شو يعني PRD وليش مهم للإنتاجية والـ Demos Skills وConnectors وArtifacts وSchedules الذكاء الاصطناعي دائماً في جيبك: Cowork on Mobile

وهذي بس البداية...

تعرف على مرشديك

معك في هالرحلة... خالد ومحمد

ما راح تكون لحالك في هالرحلة. من أول درس لين آخر نظام تبنيه، إحنا معك خطوة بخطوة... وتطلع من البرنامج بشي مركّب وشغّال، مب بس معلومات.

خالد العور

خبير ذكاء اصطناعي

«اليوم، كل حد يظهر نفسه كأنه خبير ذكاء اصطناعي»... ولكن هل صح تصدقه؟ خلني أقولك عن مسيرتي وأنت احكم: «أنا أطور تطبيقات AI قبل الـ ChatGPT... حتى قبل كورونا»

اشتغلت مع مؤسسات كثيرة في مجال البيانات والذكاء الاصطناعي: من شركات ناشئة إلى شركات عالمية مثل طلبات (أكبر فريق تقني في الشرق الأوسط)، ومؤسسات حكومية واستشارية. وطورت تطبيقات وصل أحدها لأكثر من 1.5 مليون تحميل.

اللي في هذا البرنامج مب نظريات من كتاب... هذا النظام اللي أشتغل فيه أنا يومياً. كل use case فيه مجرب، وكل آلية عمل تم استحداثها بعد سنوات من التجارب والأخطاء والتحسين... حتى وصلت لك جاهزة.

الناس اليوم تعرف «عن» الذكاء الاصطناعي... بس ما تطبق. وأنا بنيت هذا البرنامج عشان تنتقل من المعرفة إلى نظام شغّال في يومك، من أول أسبوع.

محمد خير

مهندس حلول الذكاء الاصطناعي

«أنا محمد، وسعيد إني أكون معك على الشاشة في الشغل العملي بالبرنامج... وجاهزين نساعدك في رحلة البناء لين تطلع بشي مركّب وشغّال»

خلفيتي هندسة حاسوب، وشغلي اليومي بناء أنظمة ذكاء اصطناعي للمؤسسات: آخذ شغل يدوي متكرر، وأحوّله إلى workflow يمشي لوحده. وهذا نفسه اللي نشتغل عليه أنا وخالد.

الـ workflows والـ Skills الجاهزة اللي تحمّلها وتستخدمها من أول يوم... وظفت مهارتي وخبرتي عشان أضبطها لك. وأنا حريص إنها تشتغل عندك أنت وعلى جهازك، مو بس تتفرج عليها.

What Do You Get؟

شو تحصل لما تشترك؟

أولاً المضمون الأساسي

برنامج الفيديو الكامل

5 محاور تبني فيها نظامك خطوة بخطوة، بوتيرتك الخاصة.

مجتمع البرنامج

بيئة من ناس مثلك يبنون أنظمتهم، تتشارك معهم وتستفيد من تجاربهم.

مجلس الأحد

جلسة مباشرة كل أسبوعين معي أنا خالد... أجاوب على استفساراتك ونتناقش في أمور الإنتاجية بالذكاء الاصطناعي.

شارة Badge خاصة بالبرنامج منشورة على حساب Instagram

خلال 48 ساعة من اشتراكك بالبرنامج تبني أول workflow خاص فيك، ترسله لنا، وتحصل على Badge مع منشور في ستوري الحساب وMention وHighlight. وفي نهاية البرنامج، Badge الإنجاز... وتنعرض قصتك في الحساب.

ثانياً البونصات

حزمة Skills جاهزة لـ Claude

مهارات مبنية لك تشتغل فيها من أول يوم.

Resources جاهزة PDF

مراجع عملية ترجع لها وقت ما تحتاج.

قاعدة معرفة تفاعلية

تتحاور معها بكل تفاصيل البرنامج وأساليبه... كأن البرنامج كله جالس يجاوبك.

عيادة الأتمتة

جلستان فرديتان one-on-one مع فريق البرنامج... نجلس على نظامك أنت بالذات ونعالج اللي واقف في طريقك.

تقدم للانضمام الآن

لديك أسئلة؟

لا مشكلة...

«ما عندي وقت أتعلم»؟ +

البرنامج مصمم بالضبط لصاحب الوقت الضايق: بوتيرتك الخاصة، بدون مواعيد إلزامية، وأول إنجاز عملي خلال 48 ساعة من اشتراكك... مب بعد شهور.

«أنا مب تقني وما أعرف أبرمج»؟ +

ولا تحتاج. البرنامج بدون كود، وكل درس فيه بلغة بسيطة لغير التقنيين. إذا تعرف تكتب رسالة واتساب... تقدر تبني نظامك.

«جربت الذكاء الاصطناعي وما حصلت نتيجة»؟ +

لأن المشكلة مب في الذكاء الاصطناعي... المشكلة في التكليف. لما تتعلم تعطيه السياق الكامل والهدف الواضح، بيؤديها فوق توقعاتك وبمخرج مبهر. هذا بالضبط اللي يعلمك إياه المحور الثاني.

«بحصل على شهادة معتمدة»؟ +

«تريد شهادة معتمدة؟ ليش؟ تريد تبروزها وتعلقها؟»... في البرنامج ما نؤمن بالشهادات لأنها تميّع الهدف وتصير بس للفشخرة. ولكن تدري شو؟ أصلاً نعطيك شي أحلى. اللي تحصله هنا أثمن من أي ورقة: Badge أنشره لك في حساب Instagram عندي وأسوي لك Mention، تعلقه عندك في حسابك وتحطه Highlight... ما تنحصل إلا بنظام شغّال فعلاً... ودليلك الحقيقي هو إنتاجيتك، مب شهادة معلقة.

«الأدوات لها اشتراكات»؟ +

نعم. أدوات البرنامج (وأهمها Claude) لها اشتراكات مستقلة خارج سعر هذا البرنامج: تقديرياً من 20 إلى 50 دولار شهرياً حسب استخدامك. وأغلب الأدوات المساندة نبدأ فيها بالنسخ المجانية، ونرشدك متى تحتاج ترقية ومتى لا.

«شو عن n8n وأدوات الأتمتة الثانية»؟ +

كلود هو العمود الأساسي اللي من خلاله تنشأ كل الأمور، وهو نقطة البداية. وحتى لو تبي n8n... كلود يقدر يطلع لك الأتمتة كاملة، كل اللي عليك تشرح له تفاصيل الـ workflow اللي تريده.

«ليش ما أتعلم من اليوتيوب ببلاش»؟ +

المعلومات فعلاً صارت مجانية... بس المشتتة منها تكلفك أغلى من أي برنامج: وقتك. واليوتيوب ما يعطيك workflows جاهزة تحمّلها وتستخدمها. اللي تدفعه هنا مقابل نظام مرتب، وuse cases مجربة بفاعلية قصوى، وحد تثق فيه ياخذك خطوة بخطوة وأنت واثق أنك على المسار الصحيح.

أنجز مهام أسبوع كاملأسبوع في 3 ساعات... عبر تشغيل نظام ذكاء اصطناعي مجرب ومتحقق منه، يخليك إنسان «خارق»